„დეკანოზ გიორგი მამალაძესთან მნახველების შესვლა შეზღუდულია, გამოძიების ინტერესებიდან და უსაფრთხოების საკითხებიდან გამომდინარე", - აღნიშნული განმარტება სასჯელაღსრულების სამინისტრომ გააკეთა.

უწყების ინფორმაციით, დეკანოზთან შეუფერხებლად შესვლა მხოლოდ მის ადვოკატებს და სახალხო დამცველს შეუძლიათ.

„რაც შეეხება ტელევიზორით სარგებლობას, ბრალდებულ გ.მ.-ს, რომელიც კლინიკიდან პენიტენციურ დაწესებულებაში გუშინ საღამოს გადაიყვანეს, ამ საკითხთან დაკავშირებით დაწესებულების ადმინისტრაციისთვის არ მიუმართავს", - აცხადებენ უწყებაში.

შეგახსენებთ, დღეს დეკანოზ გიორგი მამალაძის მოსანახულებლად მისული ჭყონდიდის მიტროპოლიტი პეტრე ცაავა სასჯელაღსრულების მე-9 დაწესებულებაში, ე.წ. მატროსოვის ციხეში არ შეუშვეს.