საპატრიარქოს იურისტის ედიშერ ქარჩავას განცხადებით, სავარაუდოდ, დეკანოზ გიორგი მამალაძის დაკითხვის შემდეგ გაირკვევა, თუ როდის მოხდება პატრიარქის მდივან-რეფერენტის შორენა თეთრუაშვილის დაკითხვა.

„ჩვენი მიზანიც არის, ჩვენთვისაც მისაღებია, რომ ერთიანად მოხდეს ყველა შეკითხვაზე პასუხის გაცემა", - განაცხადა ედიშერ ქარჩავამ.

კითხვაზე, ჭყონდიდის მიტროპოლიტი პეტრე იმყოფებოდა თუ არა დაკითხვაზე პროკურატურაში, საპატრიარქოს იურისტმა განაცხადა, რომ ეს ფაქტი მისთვის უცნობია.

„აღნიშნულთან დაკავშირებით მე პასუხს ვერ გაგცემთ, რადგან მე მის ინტერესებს არ ვიცავ", - განაცხადა ედიშერ ქარჩავამ.