თურქეთის საგარეო საქმეთა მინისტრმა მევლუდ ჩავუშოღლუმ გერმანიას ორმაგი სტანდარტების გამოყენებაში ბრალი დასდო.

„თუ გერმანიას სურს თურქეთთან ურთიერთობები, უნდა ისწავლოს ქცევა", - განაცხადა ჩავუშოღლუმ.

გერმანიის ქალაქ გაგენაუს ხელისუფლებამ გააუქმა თურქეთის იუსტიციის მინისტრის ბექირ ბოზდაგის სიტყვით გამოსვლა, რომელიც გუშინ საღამოს უნდა გამართულიყო. ბოზდაგის თქმით, აღნიშნული მიუღებელია და საპასუხოდ გააუქმა შეხვედრა თავის გერმანელ კოლეგასთან.