„ინფორმაციის თავისუფლების განვითარების ინსტიტუტის" დირექტორი გიორგი კლდიაშვილი ბათუმში მიმდინარე აქციასთან დაკავშირებით სოციალურ ქსელში სტატუსს აქვეყნებს:

„სიტუაცია სრულად უკონტროლოა.

მიზანმიმართულად არეულობის მოწყობას ჰგავს ეს ყველაფერი.

მთავრობამ კანონის ფარგლებში უნდა აღადგინოს წესრიგი, ხოლო ამ არეულობის მოთავეები და დამნაშავეები უნდა დააკავონ და პასუხი აგებინონ.

ახალგაზრდები ქუჩაში ძალადობენ და არბევენ სამართალდამცავებს, ამსხვრევენ შენობებს, წვავენ პოლიციელების ავტომანქანებს და გამოდიან ნაციონალისტური ლოზუნგებით.

ამას სჭირდება მყისიერი რეაგირება!", -  წერს კლდიაშვილი.