საპატრულო პოლიციის მიერ დღეს დაკავებული ჯიმი ბარსავიძე, რომელიც ამ დროისთვის გათავისუფლებულია, მომხდარზე დეტალურად  საუბრობს და ამბობს, რომ პოლიციის მხრიდან მის მიმართ ძალადობას ადგილი არ ჰქონია.

„მოვდიოდით მე და მამაჩემი ძმის საფლავიდან, აფთიაქთან გავაჩერე, ავარიული ჩართული მქონდა და ვთხოვე პატრულს ჯარიმის გარეშე გავეშვით, მაგრამ დაგვაკავეს. არავის არ ვუცემივართ, ისე გამოგვიშვეს. ძალადობას ადგილი მხოლოდ დაკავებისას ჰქონდა, ისე არავის ვუცემივართ. ხალხს სიმშვიდისკენ მოვუწოდებთ და მადლობას ვუხდით მხარდაჭერისთვის", - განაცხადა ბარსავიძემ.

შეგახსენებთ, რომ დღეს დაკავებული პირების გათავისუფლების შესახებ გადაწყვეტილება შს მინისტრმა გიორგი მღებრიშვილმა მიიღო.