პარლამენტის წევრი თამაზ მეჭიაური პირადი ცხოვრების ამსახველი ფარული ვიდეოჩანაწერების გავრცელების თაობაზე კიდევ ერთ განმარტებას გაზეთ "პრაიმტაიმთან" საუბარში აკეთებს:

„როდესაც უმაღლესი თანამდებობის პირებზე არსებობს კომპრომატები, რომელიც შეიძლება გამოიყენონ მათ დასაშანტაჟებლად, ეს არის დიდი საფრთხის შემცველი ქვეყნისთვის, მითუმეტეს, თუ ასეთ თანამდებობის პირებს ძალიან მნიშვნელოვან საიდუმლოებებზე აქვთ წვდომა. ისე კი, ყველას აქვს უფლება, იცოდეს, ვის ქირაობს. ჩვენ, საჯარო მოხელეები, მოსახლეობის მიერ ვართ დაქირავებულები. თუ მკითხავენ, დადიოდი თუ არა ქალებშიო, პირდაპირ ვეტყვი - კი, დავდიოდი. მაგრამ, ძმაკაცის ცოლებში არ დავდიოდი ზოგიერთებივით. ამას რომ ვეტყვი ამომრჩეველს, მერე მათი გადასაწყვეტია, ხმას მომცემენ თუ არა", - აცხადებს მეჭიაური.