დღეს კვორუმის არარსებობის გამო პარლამენტის პლენარული სხდომა ჩაიშალა. დეპუტატებს სახელმწიფო უსაფრთხოების სამსახურის ხელმძღვანელის ვახტანგ გომელაურისთვის უნდა მოესმინათ. რეგლამენტის თანახმად, მორიგი სხდომა პარასკევს, 12:00 საათზე გაიმართება, თუმცა ცნობილი გახდა, რომ გომელაური მას ვერ დაესწრება.

,,ჩამოვედი თბილისიდან იმისთვის, რომ გამეცა კითხვებზე პასუხები და წარმედგინა ჩემი ანგარიში პარლამენტის დეპუტატებისთვის. მე ყველა დეპუტატს პატივს ვცემ იქნება ეს ოპოზიცია თუ პოზიცია და სწორედ ამიტომ ვარ აქ. პარასკევს მე ვერ ჩამოვალ ნამდვილად. მომავალში ვნახოთ", - განაცხადა ვახტანგ გომელაურმა .