„დოიჩე ველეს" ინფორმაციით, ევროპარლამენტის ექს-პრეზიდენტი მარტინ შულცი ბუნდესტაგის სექტემბრისთვის დანიშნულ არჩევნებზე ანგელა მერკელის მეტოქე ოფიციალურად გახდა. შულცმა ბერლინში, სოციალ-დემოკრატიული პარტიის რიგგარეშე ყრილობაზე, საკუთარი კანდიდატურა გერმანიის კანცლერის თანამდებობაზე ოფიციალურად დაასახელა.

ამავდროულად, 61 წლის შულცი არჩეულია გერმანიის სოციალ-დემოკრატიული პარტიის თავმჯდომარედ, რომელმაც ამ თანამდებობაზე ზიგმარ გაბრიელი შეცვალა.

„ვფიქრობ, ეს შედეგი დასაწყისი იქნება იმისა, რომ გერმანიის კანცლერის თანამდებობას დავიკავებ", - განაცხადა მარტინ შულცმა.