ლონდონის ცენტრში გუშინ განხორციელებული თავდასხმის საქმეზე 7 ადამიანი დააკავეს. ბოლო მონაცემებით, ტერაქტს 5 ადამიანი ემსხვერპლა. დაღუპულთა შორისაა პოლიციელი კიტ პალმერი, ასევე, დაახლოებით 40 წლის ქალი და 50 წლამდე ასაკის კაცი, რომელთა ვინაობას პოლიცია არ ამხელს.

საავადმყოფოში 29 ადამიანი ამ დრომდე რჩება. მათ შორის 7-ის ჯანმრთელობის მდგომარეობა კრიტიკულია.

გუშინ ბრიტანეთის პარლამენტის შენობასთან ტერორისტმა ჯერ მანქანით გადაუარა ფეხით მოსიარულეებს, შემდეგ პოლიციელს დანით დაესხა თავის. პარლამენტის შეიარაღებულმა დაცვამ ბოროტმოქმედი 3 გასროლით ადგილზე გაანეიტრალა.