სახელმწიფო უსაფრთხოების სამსახურის ადმინისტრაციის უფროსის მოადგილე ნინო გიორგობიანი სოციალურ ქსელში შემდეგი სახის პოსტს აქვეყნებს:

„პატივს მივაგებთ რეპორტიორს, რომელიც მზად არის იდგეს, როდესაც სხვები გარბიან და სვამდეს კითხვებს, როდესაც სხვებს შიში დუმილს აიძულებს", - ეს სიტყვები ამოტვიფრულია დაღუპული ჟურნალისტების ხსოვნისადმი მიძღვნილ მემორიალზე, რომელიც ვაშინგტონშია გახსნილი. მთელი მსოფლიოს მასშტაბით, პროფესიული მოვალეობის შესრულების დროს დაღუპული რეპორტიორების სახელების გვერდით, ჩვენი დათო ბოლქვაძის სახელი და გვარია. წერია ისიც, თუ რომელ წელს, სად და რა ვითარებაში მოკლეს დათო..", - წერს გიორგობიანი.

ნინო გიორგობიანი სუს-ის მაღალჩინოსნებთან ერთად სამუშაო ვიზიტით აშშ-ში იმყოფება.