ჟურნალისტი კოკა ყანდიაშვილი მიხეილ მაჭავარიანის განცხადებას ეხმიანება, იმის შესახებ, რომ წინა ხელისუფლების დროს არჩევნები არ ყალბდებოდა:

„საქართველო მოქალაქეების ხმების ქურდები ხართ თქვენ - დაკანონებული ქურდები.

მიშა - აზრი ასეთი ტყუილების ბრახუნის რა არის?

შეძახილმა - ხე გაახმოვო?

მართლა გგონია, რომ ვინმეს დაავიწყდა 1999 წლიდან - თქვენს მანიპულაციებში რომ იყო ჩავარდნილი მთელი საარჩევნო სისტება? ხათუნა გოგორიშვილს - გულანთებული მოკითხვა.

აი, ეს არის სიმართლე - მარადიულო დეპუტატო მიხეილ მაჭავარიანო.

და კიდევ, ის არის სიმართლე - რომ 2012-ში იმდენად მკაფიოდ იყო გამოხატული ხალხის ნება, რომ კარუსელებმა, ანტენებმა, ტელე-მონოპოლიებმა, ძალადობამ და დაშინებამაც, სპეცნაზებმა და ყუთების მოპარვამაც ვეღარ გადაგარჩინათ - და სამუდამოდ დაკარგეთ ეს ბერკეტი.

საქართველოს ამომრჩევლების ხმები - ხალხის ხელშია.

იცოდეთ - ვეღარასოდეს, ვერავინ ვერ ჩაიგდებს ამას ხელში."