„წლების წინ ჭიათურაში ჩაის კულტურის მოყვანისა და გადამუშავების ტრადიცია არსებობდა და ქართული ჩაის აღორძინება ჭიათურაში უკვე დაიწყო",- ამის შესახებ ინფორმაციას ჭიათურის მუნიციპალიტეტის გამგეობა ავრცელებს.

გამგეობის ცნობით, სახელმწიფო პროგრამის ,,ქართული ჩაის"' ფარგლებში სოფელ ზოდში 9 ჰექტარის ტერიტორიაზე ჩაის პლანტაციების რეაბილიტაცია მიმდინარეობს.

ჭიათურის მუნიციპალიტეტის გამგებელმა ზურაბ კუპატაძემ და სოფლის მეურნეობის სამინისტროს ჭიათურის საინფორმაციო-საკონსულტაციო სამსახურის უფროსმა დავით მოდებაძემ ადგილზე სამუშაოები დაათვალიერეს და დასაქმებულებს გაესაუბრნენ.

ზოდთან ერთად ჩაის პლანტაციების რეაბილიტაციის სამუშაოები სოფელ ნიგოზეთსა და გეზრულშიც მიმდინარეობს.