პარლამენტის განათლების, მეცნიერებისა და კულტურის კომიტეტის თავმჯდომარე მარიამ ჯაში სოციალურ ქსელში შემდეგი სახის პოსტს აქვეყნებს:

„გელათის ღვთისმშობლის ტაძრის რესტავრაცია 2018 წელს დასრულდება აშშ მთავრობის და მსოფლიო ბანკის მხარდაჭერით.

უნიკალურ სამუშაოს ასრულებენ ჩვენი ხელოვანები და რესტავრატორები კულტურული მემკვიდრეობის ძეგლთა დაცვის სააგენტოს, სამხატვრო აკადემიის, „ხელოვნების საერთაშორისო ფონდისა" და „საქართველოს მემკვიდრეობის" ხელშეწყობით.

პარალელურად გრძელდება ურთულესი სამუშაო გელათის სამონასტრო კომპლექსისა და აკადემიის UNESCO-ს მსოფლიო მემკვიდრეობის სიაში აღსადგენად", - წერს ჯაში.