„კოალიცია შეიქმნა იმისთვის, რომ ოპოზიციას მშვიდობიანი გზით შეეცვალა წინა ხელისუფლება."- განაცხადა საქართველოს პრეზიდენტმა გიორგი მარგველაშვილმა კოალიცია "ქართული ოცნების" ირგვლივ განვითარებულ მოვლენებთან დაკავშირებით საუბრსას.

„კოალიციამ ამ მიზანს ძალიან კარგად გაართვა თავი. თუმცა ამ არჩევნებზე საუბრისას, არა ერთხელ მითქვამს, რომ პოლიტიკური სისტემა, რომელშიც არის შავი და თეთრი; ორი დაპირისპირებული ძალა უკვე მოძველდა ქართული პოლიტიკური კულტურისთვის და ჩვენ ამომრჩეველს უნდა შევთავაზოთ ბევრად უფრო მრავალფეროვანი პოლიტიკური არჩევანი. იმ ფონზე, როდესაც ჩვენ მივიღებთ არა ერთ სერიოზულ მოთამაშეს, ამომრჩეველსაც ექნება შესაძლებლობა, უკეთ აირჩიოს თავისი მომავალი წარმომადგენელი პარლამენტში", - განაცხადა პრეზიდენტმა.