საპარლამენტო უმრავლესობის წევრმა ზაზა ხუციშვილმა „დიანა ტრაპაიძის დღის ამბებში" IRI-ს კვლევებზე ისაუბრა და განაცხადა, რომ არ ენდობა ამ კვლევას, თუმცა მისი მიხედვით დასკვნების გაკეთება მაინც შეიძლება.

„ნაციონალური მოძრაობის" რეიტინგი დიდწილად არის მიხეილ სააკაშვილის რეიტინგი, რადგან შედარებით პოპულარული პოლიტიკოსი მის მხარეს პრაქტიკულად არ დარჩა, ძირითადი ბირთვის წამოსული არის „ევროპულ საქართველოში" და ეს შედეგია ის, რაც დადეს, თუ კვლევას რეალურად მივიღებთ.

ამ შემთხვევაში დასკვნების გამოტანა შეიძლება, თუ რა მიმართულებით უნდა გავაძლიეროთ მუშაობა, მე გეტყვით, რომ ვერ ვიზიარებ იმ მოსაზრებებს, რომ ქვეყანა ჩავარდნილია ეკონომიკურ კრიზისში, პირიქით, ეკონომიკა პირველ სამ თვეში გაზრდილია", - განაცხადა ზაზა ხუციშვილმა.