მსახიობმა გოგა პიპინაშვილმა ტელეკომპანია „იბერიის" ეთერში თეატრში არსებულ პრობლემებთან დაკავშირებით ისაუბრა. როგორც პიპინაშვილი აღნიშნავს, დღეს თეატრალური უნივერსიტეტის სტუდენტები, როდესაც სასწავლებელს ამთავრებენ სახლში სხედან და მაყურებელი არ ჰყავთ.

„ადრე როცა ვსწავლობდი მაშინ ასე იყო, რომ აუცილებლად უნდა ჩასულიყავი რეგიონალურ თეატრში და 3 წელი გემუშავა. წელს ამთავრებენ ბავშვები და სხედან სახლში. კაციშვილი არ ნახულობს, არცერთი მაყურებელი..." - განაცხადა პიპინაშვილმა.