„მემარცხენე ალიანისის" ლიდერი სოსო შატბერაშვილი ბათუმის მოვლენების დაძაბვაში „ნაციონალურ მოძრაობას" და საქართველოს ექს-პრეზიდენტს მიხეილ სააკაშვილს ადანაშაულებს. ამის შესახებ შატბერაშვილმა ტელეკომპანია „იბერიის" ეთერში განაცხადა.

„ბრალს ვდებ „ნაციონალურ მოძრაობას", მიხეილ სააკაშვილს და საქართველოს მტრებს, უცხო ქვეყნის სპეცსამსახურებს, რომლებიც მუდმივად ჩასაფრებულები არიან. ეს იყო სახელმწიფო გადატრიალების მცდელობა მთელს საქართველოში, მთელი ქვეყნის მასშტაბით. ამისათვის თურქეთის სპეცსამსახურებიც იყვნენ მზად",-განაცხადა სოსო შატბერაშვილმა.