„გიორგი მარგველაშვილმა რომ არ გვითხრას, რომ ხალხს სამუშაო ადგილი სჭირდება და მშიერი ადამიანები გვყავს, თქვენ ფიქრობთ, რომ არ გვაქვს ეს ინფორმაცია და არ ვხვდებით ასეთ ადამიანებს?!" - ამის შესახებ საპარლამენტო უმრავლესობის წევრმა ეკა ბესელიამ გადაცემა „რეაქციაში" განაცხადა.

„მგონია, რომ ეს არ არის ის პოზა, რომლიდანაც შეიძლება ვილაპარაკოთ. დიახ, ჩვენ ვიცით, რომ ასეთი ადამიანები არსებობენ, არ ვამბობთ, რომ იდეალურია ყველაფერი, მორჩა, დავასრულეთ რეფორმები. არა, ვამბობთ, რომ ვაგრძელებთ ამ პროცესს, დინამიკა არის პოზიტიური", - განაცხადა ბესელიამ.