„ლიდერი უნდა იყო! მარგველაშვილი ვერ იქნება ჩემი ლიდერი", - ამის შესახებ „დემოკრატიული მოძრაობის" ლიდერმა ნინო ბურჯანაძემ  გადაცემა „რეაქციაში" განაცხადა. ბურჯანაძემ ასევე მას IRI-ს კვლევებთან დაკავშირებითაც ისაუბრა და დასძინა, რომ აღნიშნული კვლევები არის დანაშაულებრივი ქმედება.

„რომელ IRI-ს კვლევებზე მესაუბრებით. IRI-ს კვლევა ეს არის დანაშაულებრივი ქმედება, რომელსაც აშშ-ის სადაზვერვო და სპეცსამსახურები ახორციელებენ საქართველოში. ამერიკას უნდა, საქართველოში ნებისმიერ ფასად ჰყავდეს პროამერიკული და არაპროდასავლური პრეზიდენტი და ხელისუფლება.

რაც შეეხება მარგველაშვილს, დღეს პარლამენტის ტრიბუნაზე იდგა კარგი და პოზიტიური ადამიანი, მაგრამ არა ლიდერი", - განაცხადა ნინო ბურჯანაძემ.