კოალიცია „ქართულ ოცნებას" „ეროვნული ფორუმიც" ტოვებს. როგორც პარტიის ლიდერმა გუბაზ სანიკიძემ განაცხადა, ამ ეტაპზე უცნობია, როდის დატოვებს „ეროვნული ფორუმი" კოალიციას. გადაწყვეტილება 3 აპრილს ჩანიშნულ ყრილობაზე იქნება მიღებული.

„რესპუბლიკელებმა" და „ოცნებამ" დაგვასწრეს გადაწყვეტილების მიიღება, ჩვენი ყრილობის დღის წესრიგი შეიცვლება. უცხადესია, რომ „ფორუმი" არჩევნებში ცალკე გავა. მთავარი კითხვა და აქცენტი დარჩა, დავრჩებით თუ არა კოალიციაში. თუ არ დავრჩებით კოალიციაში, შესაბამისად, უმრავლესობაშიც აღარ დავრჩებით", - აცხადებს გუბაზ სანიკიძე.