საპარლამენტო უმრავლესობის წარმომადგენელმა ალექსანდრე ქანთარიამ მარჯანიშვილის თეატრში მსახიობ გივი ბერიკაშვილის ხსოვნას პატივი მიაგო.

„დღეს ჩვენ ვემშვიდობებით მსახიობს ამ სიტყვით სრული მნიშვნელობით. ნამდვილად სახალხო არტისტს, რომელსაც ძალიან დიდი სიყვარული მიაქვს თავისი გულშემატკივრებისგან, ჩვეულებრივი ხალხისგან. ვფიქრობ, ეს არის მართლაც ძალიან დიდი დანაკლისი ქართული თეატრისთვის და სამწუხაროა, რომ ჩვენ ნელ-ნელა გვეცლებიან ის კორიფეები, რომლებიც ქმნიდნენ ოქროს ხანას ქართულ თეატრში", - განაცხადა ალექსანდრე ქანთარიამ.