„გამოწვევად რჩება ჰომოფობიური დამოკიდებულება ლგბტ პირთა მიმართ და სიძულვილის ნიადაგზე ჩადენილი დანაშაულების დროული და ეფექტური გამოძიება", - ამის შესახებ საქართველოს სახალხო დამცველის 2015 წლის ანგარიშშია საუბარი.

ომბუდსმენის აპარატი მიესალმება 2015 წლის 17 მაისის, ჰომოფობიასა და ტრანსფობიასთან ბრძოლის საერთაშორისო დღის მშვიდობიან გარემოში აღნიშვნას. თუმცა, ანგარიშში ნათქვამია, რომ 2013 წლის 17 მაისს განვითარებულ ძალადობრივ ქმედებებში მონაწილე დანაშაულის ჩამდენი არცერთი პირის პასუხისმგებლობის საკითხი არ დამდგარა.