ბრძოლა ორგანიზებული დანაშაულის წინააღმდეგ საქართველოს შინაგან საქმეთა მინისტრის გიორგი მღებრიშვილის რაინლანდ-პფალცში ვიზიტის მთავარ თემას წარმოადგენდა.

მან  შეხვედრები გამართა ფედერალური მიწის კრიმინალურ პოლიციასთან მაინცში და პოლიციის აკადემიაში ჰანის აეროპორტთან. 

საღამოს რაინფელზის ციხესემაგრეზე სანკტ გოარში მღებრიშვილმა და რაინლანდ-პფალცის შინაგან საქმეთა მინისტრმა როჯერ ლევენტცმა ხელი მოაწერეს დანაშაულთან ბრძოლის წინააღმდეგ შეთანხმებას.

„შეთანხმების მიზანი პოლიციებს შორის მჭიდრო თანამშრომლობა და დანაშაულებრივი ჯგუფების წინააღმდეგ მკაცრი ზომების გატარებაა", - განაცხადა მინისტრმა. 

სტატისტიკის მიხედვით, ბოლო წლებში ქართული ორგანიზებული ჯგუფების მიერ მაღაზიებისა და საცხოვრებელი ბინების ქურდობის ფაქტებმა მნიშვნელოვნად იმატა. 2012 წელს 191 დელიქტი იყო რეგისტრირებული, გასულ წელს კი - 1461. შარშან სისხლის სამართლის საქმე 593 ეჭვმიტანილის წინააღმდეგ აღიძრა, რაც 57-პროცენტიან ზრდას ნიშნავს. უმრავლეს შემთხვევაში დანაშაული ჩადენილია მამაკაცების მიერ, რომელსაც ხშირად განმეორებითი ხასიათი აქვს.

შინაგან საქმეთა სამინისტროს მონაცემებით, კრიმინალური სიტუაციის განვითარების ამგვარი დინამიკა რაინლად-პფალცისგან სხვა ფედერალურ მიწებზეც არ განსხვავდება. 

მაინცისა და თბილისის მთავრობებს ამ კუთხით ურთიერთთანამშრომლობის დიდი ხნის ტრადიცია გააჩნიათ.

http://www.welt.de/regionales/rheinland-pfalz-saarland/article153839557/Georgien-will-Zusammenarbeit-mit-Polizei-staerken.html