ევროკავშირის უმაღლესი წარმომადგენლის საგარეო პოლიტიკისა და უსაფრთხოების საკითხებში ფედერიკა მოგერინის განცხადებით, ევროკავშირს სურს, რომ საფრანგეთი და ევროკავშირი ერთად დარჩნენ.

„ევროკავშირი არ არსებობს თავისი წევრი ქვეყნების გარეშე. ევროკავშირის წევრი ქვეყნისა და ბრიუსელის დაპირისპირება მცდარი ნაბიჯია. ევროკავშირში წევრობა არ ნიშნავს იდენტურობისა და სუვერენიტეტის დაკარგვას", - აღნიშნა მოგერინიმ.

მოგერინი იმედოვნებს, რომ საფრანგეთისა და ევროკავშირის დროშები ერთად დარჩებიან.

„საფრანგეთისა და ევროკავშირის დროშის მეგობრობა ბუნებრივია. ჩვენი ვალდებულებაა ისე მოვიქცეთ, რომ ევროკავშირმა განაგრძოს მუშაობა ჩვენი მოქალაქეების ინტერესების გათვალისწინებით", - განაცხადა ფედერიკა მოგერინიმ.