უშიშროების ყოფილი მინისტრი ირაკლი ბათიაშვილი გადაცემა „პრიორიტეტში"იმ პერიოდს იხსენებს, როდესაც ტელეკომპანია „იბერია" დაარბიეს. მისი თქმით, საქართველოს ექს-პრეზიდენტმა მიხეილ სააკაშვილმა ეს სპეციალურად გააკეთა, რათა საზოგადოება დაეშინებინა და თავისი ძალა დაენახვებინა.

„აქედან გამოჩნდა, რა გზით სიარულს აპირებდა მიხეილ სააკაშვილი. მისთვის ეს იყო თავისებური ზონდირება სიტუაციის, რადგან „იბერია" იყო იმ მცირეთაგანი, დამოუკიდებელი ტელევიზია, რომელიც იმ პერიოდში არც ხელისუფლების კონტროლის ქვეშ იყო და არც ახლადმოსული „ვარდების რევოლუციით" მოსულთა მომხრეთა ბანაკში", - განაცხადა ბათიაშვილმა.