ფონდ „ქართუს" საზოგადოებასთან ურთიერთობის სამსახურის ხელმძღვანელი გიორგი უძილაური სოციალურ ქსელში შემდეგი სახის პოსტს აქვეყნებს:

„იყო დრო საია სერიოზული ორგანიზაცია იყო. დღეს კი გულწრფელად გული მტკივა, სადამდე დასულხართ. ძვირფასებო, იურისტებო, განცხადებებს როცა წერთ, იხელმძღვანელეთ ფაქტებით და კანონით და არა ვარაუდებით, მჩხიბავობითა და კარტებზე მკითხაობით. თუ მუცლითმეზღაპრეობა უფრო გამოგდით, მაშინ გადაარქვით ორგანიზაციას სახელი და დაირქვით „საქართველოს ახალგაზრდა მჩხიბავთა ასოციაცია", - წერს უძილაური.