ევროკავშირის საბჭოს პრეზიდენტმა დონალდ ტუსკმა „ბრექსითის" შესახებ ევროკავშირის სამიტზე განაცხადა, რომ ევროკავშირის წევრმა ქვეყნებმა დიდი ბრიტანეთის ევროკავშირიდან გასვლის შესახებ მოლაპარაკების პროცესში ერთიანობა უნდა შეინარჩუნონ.

„ჩვენ ერთიანობა უნდა შევინარჩუნოთ, მხოლოდ ამ შემთხვევაში შევძლებთ მოლაპარაკების დასრულებას. ჩვენი ერთიანობა დიდი ბრიტანეთის ინტერესებშიცაა", - განაცხადა დონალდ ტუსკმა.

მისი თქმით, ის ევროკავშირის ინსტიტუტებისა და წევრი ქვეყნის ლიდერების მხარდაჭერას გრძნობს.