აკადემიკოს გურამ შარაძის შვილი რუსუდან შარაძე სოციალურ ქსელში შემდეგი სახის პოსტს აქვეყნებს:

„აქ რომ მეკითხებიან, რით ვამაყობ ყველაზე მეტად, პასუხი ერთია - თამარ მეფით! და სამ, ჩემთვის საყვარელ არგუმენტს ვიშველიებ:

ყრუ XII საუკუნეში, უძლიერესი სახელმწიფოს პირველი პირი - ქალი;

ამ ქალმა, ბნელ ეპოქაში, გააუქმა სიკვდილით დასჯა;

ქალი - მეფე და არა დედოფალი!

გაუგონარი და წარმოუდგენელი ფაქტები! თემაც მქონდა ამაზე უნივერსიტეტში...

თამარ-ქალებო და არამარტო, გილოცავთ! სულ სიკეთეს, სიხარულს და სიყვარულს გისურვებთ!

რაც მთავარია, მარტო წარსულით არ გვეამაყოს..." - წერს შარაძე.

შეგახსენებთ, რომ წმიდა კეთილმსახური თამარ მეფის ხსენების დღეს წელიწადში სამჯერ აღინიშნება: 13 თებერვალს; აღდგომის შემდეგ - მენელსაცხებლე დედათა კვირას და 14 მაისს.