საფრანგეთის პრემიერ-მინისტრ ბერნარ კაზნევის განცხადებით, ევროკავშირი, საფრანგეთის პრეზიდენტის პოსტზე „ეროვნული ფრონტის" ლიდერის მარინ ლე პენის არჩევას ვერ გადაიტანს.

„დიდი ბრიტანეთის გასვლით დასუსტებული ევროკავშირი საფრანგეთის ხელისუფლებაში ევროფობიური პოზიციის მქონე მთავრობის მოსვლას ვერ გადაიტანს", - აცხადებს კაზნევი.

ბერნარ კაზნევმა კიდევ ერთხელ მოუწოდა ფრანგებს - საფრანგეთის საპრეზიდენტო არჩევნების მეორე ტურში მხარი დაუჭირონ პოლიტიკური მოძრაობა „წინ"-ის ლიდერს ემანუელ მაკრონს.