მთიანი ყარაბღის არაღიარებული რესპუბლიკისკენ ცოცხალი ძალისა და სამხედრო მანქანების ნაკადი სომხეთიდან არ წყდება.  სომხეთის მიერ კონტროლირებად ტერიტორიაზე იმყოფება კურიერის გადამღები ჯგუფიც.

ამ დროისთვის ადგილზე შედარებით სიმშვიდეა, გუშინდელი ბრძოლების შემდეგ დაძაბულობის დონემ დაიკლო. დღეს დილით როგორც სომხური და ადგილობრივი მედია ავრცელებს ინფორმაციას, აზერბაიჯანულმა მხარემ განახორციელა შეტევა ერთ-ერთ რაიონზე, თუმცა ეს დაზუსტებული ინფორმაცია არ არის. ადგილობრივი ჟურნალისტები საუბრობენ, რომ ბრძოლები მთელი ღამის განმავლობაში მიმდინარეობდა. რაც შეეხება დაღუპულებს ამასთან დაკავშირებით დაზუსტებული ინფორმაცია არ აქვს  სომხურ მხარეს, თუმცა სხვადასხვა წყაროების ცნობით დაღუპულია 20- მდე სომეხი ჯარისკაცი. ამ დროისთვის მცირე შეტაკებები კვლავ მიმდინარეობს ფრონტის რამდენიმე მიმართულებით. არაღიარებული მთიანი ყარაბაღის ტერიტორიაზე საკმაოდ დიდი რაოდენობის სამხედრო ტექნიკა შედის.