ქალაქ სოჭში, რუსეთის პრეზიდენტ ვლადიმირ პუტინსა და თურქეთის პრეზიდენტ რეჯეფ ტაიპ ერდოღანს შორის შეხვედრა მიმდინარეობს.

„კარგია, რომ ჩვენ შესაძლებლობა გვაქვს, სამუშაო რეჟიმში შევხვდეთ და დაველაპარაკოთ ერთმანეთს ორმხრივი ურთიერთობებისა და საერთაშორისო დღის წესრიგის მნიშვნელოვან საკითხებზე, მათ შორის ისეთ მწვავე საკითხზე, როგორიც არის სირიის კონფლიქტი", - განაცხადა ვლადიმირ პუტინმა.

თურქეთის პრეზიდენტის რეჯეფ ტაიპ ერდოღანის განცხადებით, „ის ნაბიჯები, რომელსაც თურქეთი და რუსეთი ერთად გადადგამენ, მთლიანად რეგიონის ბედს შეცვლიან".