პროკურორ ჯარჯი წიკლაურის განცხადებით, გიორგი მამალაძესთან დაკავშირებული სავარაუდო თანამზრახველების გამოვლენის მიზნით გამოძიება გრძელდება.

მის თქმით, მტკიცებულებათა შეკრების შემთხვევაში ნებისმიერი პირი, მიუხედავად სტატუსისა, პასუხისგებაში მიეცემა.

„გამოძიება დასრულდა გიორგი მამალაძის ბრალდების ნაწილში. რაც შეეხება სხვა გარემოებებს, გამოძიება კვლავ გრძელდება გიორგი მამალაძესთან დაკავშირებული სავარაუდო თანამზრახველების გამოვლენის მიზნით. მტკიცებულებათა შეკრების შემთხვევაში ნებისმიერი პირი, მიუხედავად მისი სტატუსისა, პასუხისგებაში მიეცემა", - განაცხადა ჯარჯი წიკლაურმა.