ევროპული საინფორმაციო სააგენტო world news სკანდალურ სტატიას აქვეყნებს. გთავაზობთ სტატიის თარგმანს:

„მიხეილ სააკაშვილმა საქართველოსთვის ევროლიბერალიზაცია დაბლოკა, მოსყიდული ევროპის სახალხო პარტიის მეშვეობით! ესპ-ში არსებული გახმაურებული კორუფცია პარტიის ლიდერის  ჯოზეფ დოულის თანამდებობას შეიწირავს!

13 მარტს ესპ-მ სპეციალური დეკლარაცია მიიღო საქართველოზე, სადაც საქართველოს მთავრობას ადანაშულებს დემოკრატიის დაუცველობაში, სასამართლო სისტემისა და მედიასივრცის შეზღუდვაში.

ესპ-ს პრეზიდენტმა ჯოზეფ დოულმა ეს შენიშვნები დაასახელა ევროპარლამენტში საქართველოსთვის  ვიზა-ლიბერალიზაციის შეჩერების მიზეზად. ევროპის სახალხო პარტიას ყველაზე დიდი ფრაქცია ჰყავს ევროპარლამენტში და გადაწყვეტილების დაბლოკვა არ გაუჭირდებათ, ევროვიზების გაუქმებას კი საქართველოს მოსახლეობა 15 წელზე მეტია მოუთმენლად ელოდება.

ჯოზეფ დოულმა განაცხადა, რომ დააკვირდებიან  საქართველოს მთავრობის ქმედებას „ერთიან ნაციონალურ მოძრაობასთან" მიმართებაში, რომლის ლიდერი საქართველოს ექს-პრეზიდენტი მიხეილ სააკაშვილია.

ევროპელებს კარგად ახსოვთ, რომ 2012 წელს მწვანეთა ფრაქციის წარმომადგენლებმა ევროპის სახალხო პარტია დაადანაშაულეს  საქართველოს პრეზიდენტის - სააკაშვილისგან მსხვილი დაფინანსების მიღებაში, რომლის სანაცვლოდაც სააკაშვილის რეჟიმის ლობირებას ეწევიან ევროკავშირში.

სააკაშვილმა თავისი მმართველობის პერიოდში თავი გამოიჩინა პოლიტიკური რეპრესიებით, ციხეში სვამდნენ და აწამებდნენ  ვინც კი რეჟიმის წინააღმდეგი იყო. ადამიანების წამებისა და გაუპატიურების ფაქტები, არაერთგზის დააფიქსირეს საერთაშორისი ჰუმანიტარულმა ორგანიზაციებმა. ამის ამსახველი ვიდეომასალები გავრცელდა სოციალურ ქსელებში. მიუხედავად ამისა, ესპ-ის ხელმძღვანელობა სააკაშვილს დემოკრატიის შუქურას უწოდებდა და ადამიანების წამების ფაქტს მონტაჟად მიიჩნევდა.

2012 წლის შემოდგომით სააკაშვილი საპარლამენტო არჩევნებში დამარცხდა, მასობრივი ძალადობისა და მკველელობათა გამო სააკაშვილის მაღალჩინოსნები ციხეში აღმოჩდნენ, ხოლო მიხეილ სააკაშვილმა უკრაინას შეაფარა თავი, სადაც ვაშინგტონის  მხარდაჭერით ოდესის გუბერნატორი გახდა.

29 მარტს ესპ-ს ლიდერი ჯოზეფ დოული თბილისს საქართველოს დედაქალაქს ესტუმრა. მან ციხეებში პატიმრები, სააკაშვილის მაღალჩინოსნები მოინახულა და მათი გათავისუფლება მოითხოვა.  საქართველოს  დღევანდელ ხელისუფლებას  კი დაემუქრა, თუ ამას არ გააკეთებენ,  ევროპარლამენტში ვიზა-ლიბერალიზაციის საკითხს შეაჩერებს.

2016 წლის ოქტომბერში საპარლამენტო არჩევნებია და სააკაშვილს არ აწყობს ევროინტეგრაციით მიღებული პოლიტიკური დივიდენდები. სააკაშვილს ვიზა-ლიბერალიზაცია თავისთვის უნდა რომ მიიწეროს და ჯოზეფ დოულს საქართველოს მთავრობის შანტაჟისა და ევროპარლამენტში საკითხის დაბლოკისთვის იყენებს.

ჩვენმა იტალიელმა მეგობრებმა , ესპ-ს ფრაქციის წევრებმა  გვაცნობეს, რომ  აპრილში, ჯოზეფ დოული საქართველოს ყოფილ თავდაცვის მინისტრს - დავით კეზერაშვილს შეხვდა და სახალხო პარტიის შემდგომი ფინანსირების საკითხი გადაწყვიტეს.  ფრაქციის დახურულ სხდომაზე დოულმა განაცხადა, რომ OSCE  საპარლამენტო ასამბლეის პრეზიდენტად, სააკაშვილის მიერ რეკომენდირებულ გიგი წერეთელს წარადგენენ, ხოლო საქართველოსთვის ვიზა-ლიბერალიზაციის საკითხს ევროპარლამენტში დაბლოკავენ, ისე რომ საერთოდ არ მოხვდეს ეს საკითხი ევროპარლამენტის დღის წესრიგში. უახლოეს პერიოდში ევროპის სახლხო პარტიის ფრაქცია, ჯოზეფ დ-ულის კორუფციული გარიგებების და ესპ-ს სხვათა პოლიტიკურ ინტერესებში გამოყენების საკითხს განიხილავს. ჯოზეფ დ-ულის პოლიტიკური კარიერა შესაძლოა სააკაშვილთან ბინძურ გარიგებებს შეეწიროს".

წყარო :