აკადემიკოს გურამ შარაძის შვილი რუსუდან შარაძე სოციალურ ქსელში შემდეგი სახის პოსტს აქვეყნებს:

„facebook-მა შემახსენა და გამეღიმა... იგივეს გთხოვდით წელსაც.

20 მაისს, 19:00 საათზე, მელიქიშვილის გამზირზე გელოდებით.

იქამდე, საქართველოს ეროვნული არქივი გამართავს ხსოვნის საღამოს, სახელწოდებით - „საუბრები გურამ შარაძეზე", რისთვისაც უღრმეს მადლობას ვუხდი პირადად:

იუსტიციის მინისტრს - თეა წულუკიანს და ეროვნული არქივის ხელმძღვანელს - თეონა იაშვილს!

აი, მესმის ქალები!", - წერს რუსუდან შარაძე.

აქვე, გთავაზობთ რუსუდან შარაძის პოსტს, რომელიც მან 2015 წელს გამოაქვეყნა:

„ადამიანი რომ წავა ამქვეყნიდან და ატყდება სიტყვების ფეიერვერკი, ფოტოების კორიანტელი... ნეტა, მე რომ მოვკვდები, იგივე მოხდება? თუ პასუხი ოდნავ მაინც დადებითია, მაშინ ყველას უმორჩილესად გთხოვთ - არ მინდა სიკვდილის მერე არაფერი!!! სანამ ცოცხალი ვარ, მოდით 20 მაისს, მელიქიშვილის გამზირზე, მამაჩემის მკვლელობის ადგილას.

ჩემთვის არ გთხოვთ, მერწმუნეთ", - წერდა რუსუდან შარაძე.