შსს-ს ინფორმაციით, ყოფილი მთავარი პროკურორის ოთარ ფარცხალაძის დაკითხვა არ განხორციელებულა. როგორც „ინტერპრესნიუსს" შსს-ში განუცხადეს, პირები, რომლებიც ყოფილ მთავარ პროკურორთან გვიან ღამით სახლში იმყოფებოდნენ, საგამოძიებო ჯგუფს არ წარმოადგენდნენ.
შსს-ში არ აკონკრეტებენ, იყვნენ თუ არა ისინი უწყების თანამშრომლები, თუმცა ხაზგასმით აღნიშნავენ, რომ საგამოძიებო მოქმედებების ჩასატარებლად ოთარ ფარცხალაძესთან შსს-ს თანამშრომლები ამ დრომდე არ ყოფილან.
შინაგან საქმეთა სამინისტროში ასევე აღნიშნავენ, რომ ამ დრომდე არ გაგრძელებულა გენერალური აუდიტორის ლაშა თორდიას გამოკითხვა. როგორც უწყებაში „ინტერპრესნიუსს" განუცხადეს, საავადმყოფოში მისულ გამომძიებლებს თორდიამ გამოკითხვის გაგრძელებაზე უარი განუცხადა.
გენერალურ აუდიტორზე ლაშა თორდიაზე თავდასხმა 12 მაისს მოხდა. თორდიას ინფორმაციით, მას ფიზიკური შეურაცხყოფა ყოფილმა მთავარმა პროკურორმა ოთარ ფარცხალაძემ მიაყენა.
|
პარტნიორები ქარტია ფოტო არქივი |
ბმულები რეკლამა კონტაქტი |
!!! All rights reserved Property of Reportiori |
|
