საპარლამენტო უმრავლესობის წევრმა ზაქარია ქუცნაშვილმა ტელეკომპანია „იბერიის" ეთერში 17 მაისთან დაკავშირებით ისაუბრა. კითხვაზე რას აკეთებს სახელმწიფო ტრანგენდერი ადამიანების სიცოცხლის დაცვისთვის ქუცნაშვილი ამბობს, რომ ხელისუფლებისთვის ყველა ადამიანის სიცოცხლის დაცვა პრიორიტეტია.

,,ჩვენ დასაკარგი არავინ არ გვყავს და აქ სტატისტიკური მიდგომის გამოყენება არ შეიძლება. საქართველო არ არის მოძალადე ქვეყანა. აქ ცხოვრობს ნორმალური ხალხი, მაგრამ მათ შორის რა თქმა უნდა, არიან არანორმალურებიც.

არ მაქვს მე ამ ხალხთან კომუნიკაცია. მე მეტნაკლებად ვკითხულობ ინფორმაციებს და ამ წყაროებიდან მიღებული ინფორმაციიდან გამომდინარე არ მაქვს ტრაგიკული დასკვნის გაკეთების საფუძველი", - განაცხადა ზაქარია ქუცნაშვილმა.