„ასოშიეითიდ პრესის" ინფორმაციით, მამაკაცი, რომლის გამოც ნიუ-იორკში, თაიმსქვერზე გუშინ ერთი ადამიანი გარდაიცვალა და ოცზე მეტი დაშავდა, პროლურატურასთან აცხადებს, რომ ყველას მოკვლა სურდა და მის შესაჩერებლად პოლიციელებს ის ადგილზევე უნდა მოეკლათ.

26 წლის რიჩარდ როხასმა პოლიციას განუცხადა, რომ ვიდრე ფეხით მოსიარულეებს დაეჯახებოდა, მარიხუანას ეწეოდა. პოლიცია სისხლის ანალიზის პასუხებს ელოდება. მათი ინფორმაციით, გუშინდელი ინციდენტის შედეგად დაშავებული სამი ადამიანის მდგომარეობა კრიტიკულია.