ტელეკომპანია „მაესტრო" კოტე გოგელიამ 7 მილიონ დოლარად გაყიდა - ინფორმაციას ამის შესახებ „თაიმერი" ავრცელებს.

საინფორმაციო სააგენტოს ცნობით,  მისი მფლობელი გახდა ირაკლი რუხაძე.

„როგორც „თაიმერის" წყარო იტყობინება, „მაესტროში" წილის მფლობელები: მამუკა ღლონტი,  ეკა აკობია და ტელეკომპანიის ლოგოს მფლობელი ბაჩო კიკაბაძე გოგელიამ „გადააგდო".

რაც შეეხება დეტალებს, თავდაპირველად როდესაც ჟურნალისტები აპროტესტებდნენ გაჩეჩილაძეების შესვლას „მაესტროში", კოტე გოგელია პროტესტის პარალელურად ვაჭრობდა რუხაძესთან. გოგელიამ ტელეკომპანია 7- ნახევარ მილიონ დოლარად შეაფასა, რუხაძე მას ნახევარი მილიონის დაგდებას სთხოვდა. სწორედ ამის გამო გაჭიანურდა მოლაპარაკებები. საბოლოოდ, გოგელიას 7 მილიონი დოლარი გადაუხა რუხაძემ", - ამბობს „თაიმერის" წყარო, რომლის თქმითაც, ბჭობის საგანია კითხვა, თუ ვის ეკუთვნის ირაკლი რუხაძის 7 მილიონი.

ამდაგვარად, „მაესტროს" საკითხი „მხიარული კრების" დაშლით დასრულდა, სადაც ჟურნალისტებს „უდაბნოში მღაღადებლების" როლი ერგოთ", - წერს სააგენტო.

წყარო :