47 სახლიდან 38 კულტურული მემკვიდრეობის ძეგლია. თითოეულ სახლს თავისი უნიკალური ისტორია აქვს. სახლები თავისი ისტორიებით წლის ბოლოს „გაცოცხლდება" და „ახალი ტფილისის" აღმაშენებლის გამზირი ისეთი იქნება, როგორსაც ამ ფოტორეპორტაჟზე ხედავთ.

პროექტ „ახალი ტფილისის" I ეტაპის სარეაბილიტაციო სამუშაოები დავით აღმაშენებლის გამზირზე ინტენსიურ რეჟიმში მიმდინარეობს.

გამზირზე მდებარე 47 სახლს რეკონსტრუქცია და რეაბილიტაცია უტარდება, დღეის მდგომარეობით მიმდინარეობს შენობების ფასადების ლესვითი სამუშაოები. ასევე, ფუნდამენტების კონსტრუქციული გამაგრება-გაძლიერება. დაწყებულია გადახურვის სამუშაოები და შენობების ავთენტური დეტალების სარესტავრაციო სამუშაოები.