ჟურნალისტი გელა ზედელაშვილი 26 მაისს, აკაკი წერეთლის გამზირზე მომხდარი ავარიის შესახებ სოციალურ ქსელში შემდეგი სახის პოსტს აქვეყნებს:

„ნუ, ეხლა, მორალური მუხრუჭები რომ გაუცვდათ, გასაგებია, მაგრამ ფიზიკურად მაინც ხომ უნდა შეიკავონ თავი?" - წერს გელა ზედელაშვილი.

ავარიის ფაქტს, რომელიც გუშინ, 26 მაისს, თბილისში, აკაკი წერეთლის გამზირზე, „დინამო-არენას" მიმდებარე ტერიტორიაზე მოხდა, ადასტურებს დაზარალებული არჩილ ძიგუაც.

შეგახსენებთ, რომ ჩვენი ინფორმაციით, ავტოსაგზაო შემთხვევისას ფეხით მოსიარულე მოქალაქეს არჩილ ძიგუას „იქს 5"-ის მარკის ავტომობილით მოქალაქე თორნიკე ლომთათიძე დაეჯახა. ლომთათიძე საკუთარ ავტომანქანას თავად  მართავდა.

თორნიკე ლომთათიძე გაზეთ „ქრონიკა+"-ის მთავარი რედაქტორის ელისო კილაძის მძღოლია და კილაძის საკმაოდ ახლო გარემოცვას წარმოადგენს.

გამოძიება დაწყებულია 276-ე მუხლის 1 ნაწილით.