„ჩვენ ვცხოვრობთ საკმაოდ რთულ რეგიონში, ყარაბაღის კონფლიქტი ჩამცხრალი არ არის", -ამის შესახებ „უფლებადამცველთა ასოციაციის თავმჯდომარემ ნიკოლოზ მჟავანაძემ  „tv პირველების" პირდაპირ ეთერში განაცხადა. მჟავანაძე არ გამორიცხავს, რომ მომხდარი ფაქტი  საქართველო-აზერბაიჯანს შორის ურთიერთობის გამწვავების მცდელობას ემსახურებოდეს.

„უკვე სომხურ პრესაში გამოქვეყნდა სტატიები, რომ  აზერბაიჯანი ახდენს საქართველოს ოკუპაციას, რატომ გამოვრიცხავთ, რომ ის რაც მოხდა უცხო ქვეყნების სპეცსამსახურების უშუალო მონაწილეობით მოხდა და საქართვ ელოსა და აზერბაიჯანს შორის ურთიერთობის გამწვავებას ემსახურება, ეს იმ დროს, როცა რუსეთთან ურთიერთობა დაძაბული გვაქვს.

 თუ ამ ვერსიას გამორიცხავთ და პროვოკაციას გადაჭრით რატომ ამტკიცებთ, რომ აქ ხელისუფლებაა დამნაშავე.

რაც შეეხება მწვანე საზღვარს ამას, ამერიკის შეერთებული შტატებიც ვერ აკონტროლებს ამას მექსიკასთან", -განაცხადა ნიკოლოზ მჟავანაძემ.