ექვსმა არაბულმა ქვეყანამ ყატართან დიპლომატიური ურთიერთობები გაწყვიტა.

ლიბია, იემენი, ბაჰრეინი, საუდის არაბეთი, ეგვიპტე და არაბეთის გაერთიანებული საემიროები ყატარს ქვეყნის შიდა საქმეებში ჩარევაში, რეგიონში არასტაბილური ვითარების ხელშეწყობასა და ტერორისტული საქმიანობის მხარდაჭერაში ადანაშაულებენ.

ყატარელ დიპლომატებს აღნიშნული ქვეყნების დასატოვებლად 48 საათიანი ვადა მიეცათ. ქვეყანასთან ასევე შეწყდება საჰაერო და საზღვაო მიმოსვლაც და ყატარის მოქალაქეებს ოთხივე ქვეყანაში შესვლა აეკრძალებათ.

ყატარი გარიცხეს არაბული კოალიციიდანაც, რომელიც იემენში აჯანყებული შიიტი ჰუსიტების წინააღმდეგ სამხედრო ოპერაციას ატარებს.

არაბული ქვეყნები ყატარს ტერორისტული ორგანიზაციების „ალ-ქაიდასა" და ე.წ. ისლამური სახელმწიფოს მხარდაჭერაში ადანაშაულებენ.