„ევროკავშირში უვიზო მიმოსვლის რეჟიმის ამოქმედებით საბოლოოდ ვიტყვით: ნახვამდის, რუსეთის იმპერია", - ამის შესახებ უკრაინის პრეზიდენტმა პეტრო პოროშენკომ განაცხადა.

მისი თქმით, ზოგიერთი ელოდა, რომ უკრაინას არაფერი გამოუვიდოდა.

„ჩვენ ახლა ვიწყებთ შეუქცევად ცვლილებებს. Back in the USSR (უკან სსრკ-ში) ახლა მხოლოდ „Beatles"-ის მოსმენისას გაიგებთ. არასოდეს უკრაინა არ დაბრუნდება საბჭოთა კავშირში, ვინაიდან, ჩვენ ამაყი, თავისუფალი და დემოკრატიული ერი ვართ. ჩვენ ევროპული ხალხის ოჯახში ვბრუნდებით. ამაყი ვარ, რომ ჩვენ ეს შევძელით. უკრაინა NATO-ში და ევროკავშირში გაწევრიანდება. არავინ და არაფერი შეგვაჩერებს", - განაცხადა პეტრო პოროშენკომ.

შეგახსენებთ, რომ 11 ივნისიდან უკრაინის მოქალაქეებისათვის ევროკავშირში უვიზო მიმოსვლის რეჟიმი ამოქმედდება.