მდინარე სურამულას ადიდების შედეგად მიმდებარე ტერიტორია დაიტბორა. როგორც „ინტერპრესნიუსს" საგანგებო სიტუაციების მართვის სააგენტოში განუცხადეს, დღის მეორე ნახევარში უამინდობამ ყველაზე მეტი პრობლემა სამცხე-ჯავახეთის რეგიონში შექმნა.

„ადიდდა სურამულა და დატბორა მიმდებარე ტერიტორია. ბორჯომთან ახლოს ჩამოიტანა ცენტრალურ გზაზე მიწის ნაშალი. ამაჟამადაც მიმდინარეობს გაწმენდითი სამუშაოები. ცალმხრივად მოძრაობა უკვე აღდგენილია", - აცხადებენ საგანგებო სიტუაციების მართვის სააგენტოში.