„პატრიარქმა თქვა, რომ ეს არის ხანგრძლივი პროცესი და ამაზე უბრალოდ ახლა შეიძლება დავიწყოთ ფიქრი" ,- ამის შესახებ „პატრიოტთა ალიანსის" ერთ-ერთმა ლიდერმა, დავით თარხან-მოურავმა ტელეკომპანია „იბერიის" ეთერში განაცხადა.

„პატრიარქმა თქვა, რომ ეს არის ხანგრძლივი პროცესი და ამაზე უბრალოდ ახლა შეიძლება დავიწყოთ ფიქრი. ეს ვერ მოხდება მალე. როდესაც ამის დრო მოვა, მე ალბათ ცოცხალიც აღარ ვიქნები. ვინ იქნება, ეს შემდგომი ათწლეულების თემაა. მე ვარ მეფეების შთამომავალი, ეს სასირცხვილო არ არის, თუმცა არანაირი პრეტენზია მონარქობაზე არ ამქვს, რადგან ეს ათწლეულების ამბავია და ამაზე ახლა საუბარი არასერიოზულია", - განაცხადა თარხან-მოურავმა.