გამორიცხული არაა, 8 ოქტომბერს არჩევნების პარალელურად ქვეყანაში რეფერენდუმიც ჩატარდეს. იდეა უმრავლესობის წევრს გედევან ფოფხაძეს ეკუთვნის. მხარდაჭერის შემთხვევაში, ინიციატივა ქორწინების ცნების განსაზღვრას გულისხმობს, რომელსაც უმრავლესობის დეპუტატი თამაზ მეჭიაური მხარს უჭერს.

„ეს გარკვეული ტესტი იქნება არჩევნების წინ. თუ თვითონ იციან, რომ ამომრჩევლის განწყობაა, რომ ეს ჩანაწერი კონსტიტუციაში გაკეთდეს, რატომ ეთამაშებიან ასე ცუდად ამომრჩეველს? თქვენ ისურვებდით თქვენს ოჯახში ასეთი ქორწინების ჩატარებას, ფატიან კაცებს, გაბანჯგვლულ წვერებიანებს ისურვებდით თქვენს ოჯახში?"- განაცხადა თამაზ მეჭიაურმა.