facebook-ის დამფუძნებელმა მარკ ცუკერბერგმა სოციალურ ქსელის ახალი ფუნქცია - Facebook Live წარადგინა. facebook-ს პირდაპირ რეჟიმში ვიდეოტრანსლირების ფუნქცია დაემატა.

სოციალური ქსელის მომხრებლებს შეუძლიათ სმარტფონის საშუალებით შექმნილ ვიდეორგოლებს პირდაპირ რეჟიმში უყურონ. ასევე, შესაძლებელი იქნება ვიდეოს საყურებლად მეგობრების მოწვევა და ტრანსლაციის გაზიარება. ცუკერბერგი მომხმარებლებს დაჰპირდა, რომ უახლოეს დღეებში პირდაპირი ვიდეოტრანსლაციის დროს პირადად უპასუხებს მათ შეკითხვებს Facebook-ის ახალ ფუნქციასთან დაკავშირებით.

„ჩვენ ყველასთვის ავამოქმედებთ Facebook Live-ს, რომელიც მოგვცემს საშუალებას, მარტივად შევქმნათ ვიდეორგოლები, გავაზიაროთ ისინი და ვუყუროთ მათ რეალურ დროში. ეს ჰგავს იმას, რომ თქვენ ახლა მუდამ თან გექნებათ ვიდეოკამერა. ნებისმიერ ადამიანს, რომელსაც აქვს ტელეფონი, შეუძლია დაამყაროს ვიდეოკავშირი, ვისთანაც სურს მთელი მსოფლიოს მასშტაბით", - განაცხადა მარკ ცუკერბერგმა.