მამა ანდრიამ  გადაცემა „რეაქციაში" ე.წ. ციანიდის საქმესთან დაკავშირებით ისაუბრა.  როგორც მამა ანდრეამ განაცხადა, აღნიშნულ საქმეში მთავარმა მოწმემ ირაკლი მამალაძემ სერიოზული ზიანი მიაყენა ეკლესიას

„მოწმე ირაკლი მამალაძემ სერიოზული ზიანი მიაყენა ეკლესიას, როდესაც თქვა, რომ მღვდელმთავარს მონაზონთან სექსუალური კავშირი ჰქონდა. მე აქ მღვდელმთავრების ადგილას რომ ვყოფილიყავი კითხვა გამიჩნდებოდა, ნებისმიერი მღვდელმთავარი შეიძლება მოიაზროს და ნებისმიერი მონაზონი. ნუ თუ მღვდელმთავრებს არ გაუჩნდათ, რატომ აკეთებს ასეთ სკანდალურ განცხადებებს ირაკლი მამალაძე. შემდეგ მთავარი პროკურორი გამოდის და გვეუბნება, რომ არანაირ სექსუალურ კავშირზე არ არის საუბარი და არანაირი ვიდეოჩანაწერი არ არსებობს. შესაბამისად, ეს საკითხები რაც მიმდინარეობს დისკრედიტირებულია იმ ხალხის მიერ, რომლების არასწორ ინფორმაციას აწვდიან ყოველდღიურად საზოგადოებას" , - განაცხადა მამა ანდრიამ.