„პრაიმტაიმის" ინფორმაციით, დღეს, გამთენიისას, ფარული ჩანაწერების საქმეზე პროკურატურამ კონსტიტუციური უსაფრთხოების დეპარტამენტის ყოფილი მაღალჩინოსნები დააკავა. გამოცემის ცნობით, ჯერჯერობით დაუზუსტებელი ინფორმაციით, დაკავებულია 10-მდე ყოფილი თანამდებობის პირი, მათ შორის, კუდ-ის უფროსის ყოფილი მოადგილე ვაჟა ლელუაშვილი.

ლელუაშვილი პროკურატურამ დილის რვა საათზე საკუთარ სახლში აიყვანა. სამართალდამცავებმა ბინების ჩხრეკისას კომპიუტერები და სხვა სახის ნივთები ამოიღეს.