ირმა ხეცურიანი ეტლით ფარიკაობაში მსოფლიო თასის გათამაშების გამარჯვებულია. მან პოლონეთის ქალაქ ვარშავაში ეტლით ფარიკაობაში საუკეთესო შედეგი აჩვენა.

ხეცურიანმა ფინალში ტაილანდელი პარამოფარიკავე ანგარიშით 15:8 დაამარცხა და ოქროს მედლის მფლობელი გახდა.

3 ივლისიდან ვარშავის ტურნირში 23-წლამდე პარასპორტსმენები ჩაერთვებიან. პარამოფარიკავე ნინა თიბილაშვილი ორივე ასაკობრივ ჯგუფში დაიცავს საქართველოს ღირსებას.

მსოფლიო თასის ვარშავის ეტაპი 7 ივლისს დასრულდება.